من غير كدب وكانى ومانى
ادى فرصة لحد تانى
مصر كبيرة مصر عظيمة
مصر مش دكان حلوانى
وكانى ومانى
احنا شبعنا صريخ واغانى
قلنا كفاية الاخ الاول
قالوا نجيب الاخ التانى
وكانى و مانى
مش عايزين الحزب الاول
مش عايزين الحزب التانى
مش عايزين نرجع وندور
من المجنى وفين الجانى
وكانى ومانى
مصر كبيرة مصر عظيمة
مصر مش دكان حلوانى
وكانى ومانى
وخير يابلدنا عايزين خيرها
يكون لاودنا شرق وغرب
صعيد جوانى
وكانى ومانى
مصر كبيرة مصر عظيمة
مصر مش دكان حلوانى
وكانى ومانى
بالدستور احكمنا يا حاكم
مش عايزينها سجون ومحاكم
مش عايزينها قلنا وقلتم
الدستور هو اللى يقول
كانى ومانى
تانى وتانى نقول ونعيد
الفكرة مش زيد وعبيد
وحتى حكام وعبيد
ابعدوا كل الظلم بعيد
واللى هايجى
كانى ومانى
مصر كبيرة مصر عظيمة
مصر مش دكان حلوانى
شعبنا عمره ما يكره حد
بس كفاية وصلنا لحد
ضايع من هزار ف الجد
وكانى ومانى
هانقول مصر تانى وتانى
بنكافح ظلم وبنعانى
مش هتموت جوانا اغانى
ومش هتموت جوانا معانى
كانى ومانى
تانى وتانى نقول الشعب
من غير سجن ومن غير رعب
والحرية بينا وبينها فرطة كعب
مصر كبيرة مصر عظيمة
مصر مش دكان حلوانى
وكانى ومانى
لو خايف على نفسك قول
ده الساكت هو المقتول
والدنيا ما تجيش بامانى
وكانى ومانى
بطل خوف يا ابنى انت
وهو وهو وهى
هى عروستك وانت عريسها
لو تدفع مهر الحرية
وكانى ومانى
والحرية مش للخايف
واللى مغمى عنيه مش شايف
والسايح دمه ومش عارف
كانى ومانى
قول للحاكم مهما يكون
خلى شبابنا يكون ويكون
يتفك لسانا المسجون خليتوا العاقل مجنون
وكانى ومانى
مصر كبيرة مصر عظيمة
مصر مش دكان حلوانى
ليست هناك تعليقات:
إرسال تعليق
اكتب تعليق