قالوا فى الامثال

الاصيل ..

يفضل قديم الاصل 

فى الاصل له سوقه 

ويفضل عديم الاصل 

عديم مهما تزيد نوقه 

يمشى الاصيل 

فى الاصل 

ياخد الطريق شوقه 

ويمشى عديم الاصل 

فى الاصل ..

على ذوقه 

على راى المثل .

زى حمير العنب 

تشيله  ما تدوقه. !!!

الادب ..

عاشر صاحب الادب 

والذوق .

واصبر على مر الزمن 

يمكن  بكرة  تروق  

وانصح وعلم الصاحب 

ياخد النصيحة يفوق 

وبلاش تكون  امعة 

دول قالوا فى الامثال :

زى الرهريط 

لا  يبنى . ولا يسد خروق