دعوة الغلابة
حوش يا رب جوش
هجوم نفس الوشوش
عايزين واحد كويس
ع الدستور بيمشى
لكن ميلخبطوش
انسان بالعدل قايم
مش يجمع الغنايم
ولا يرمى ع الغلابة
ولا يدى للكروش
يحس الصدق نعمة
ميقولش كلام مذوق
وبعدين يطلع فاشوشة
مش يمسك بالهداوة
وبعدين يطلع له ريش
يقيم للعدل دولة
مش يرجع مرة تانية
وتكون دولة شويش
والجيش يرجع حقيقى
من غير الجيش بتعنا
بلدنا متساويش
يا نعيش بالعدل دولة
ونحبط ميت محاولة
يا تعيش دولة مفيش
لو عيش من غير كرامة
ازاى انسان يعيش
وعشان دا كله يحصل
مش ممكن شعب فاهم
هيجيب نفس الوشوش
وفلوسنا تلف تانى
وتروح نفس الكروش
نحلف بالغالية بلدنا
لوشفنا عك تانى
هنعيش من غير رئيس
