سؤال
تقدر تمسح دمعة ام
على طفل بيحبى
فى سكة هلاك
تقدر تزرع ضحكة لام
بتقسم ساعة الحزن معاك
تقدرتنطق كلمة حق
وتقتل لحظة خوف جواك
تقدر ترفض نص السكة
قبل الموت مستنى هناك
تقدر تملى الارض دى خضرة
وتطرح ورد بدون اشواك
تقدر تنسى حروب العالم
تقدر تضحك من جواك
تقدر تملي القلب محبة
وتحضن صحبك مهما أساك
تقدر تنكر لحظة ضعفك
وأنت إيديك
مش طايلة ضناك
حاول.. يمكن
لو محاولتش تبقى جبان
وان ما قدرتش
يبقى كفاية تكون انسان
كان دى سؤالى بتحداك
انت صحيح لو سهل وتقدر
كنت قطعت الحد الفاصل
ولانسان كان يبقى ملاك)
