حكاية كدب فى كدب

كان فيه ملك ......بعدين قال لوزيره يا وزير عايز اسمع حكاية اولها كدب واخرها كدب .كلها كدب فى كدب
اصل الملك كان متضايق قام الوزير بعت منادى يدور فى المدينة وان اللى حيقول للملك حكاية كدب فى كدب
ليه جايزة كبيرة و اللى حيحكى حكاية فيها حاجة مش كدب حيقطع رقبته الناس خافت لحد ما في يوم راح راجل
عجوز وقف قدام الملك و قال له انا اقولك حكاية كدب فى كدب . الملك قاله .عارف الشرط الراجل العجوز قال
عارف .الملك قال له طيب قول الحكاية ...قال قبل ابوى ما يخد امى كنت ماشى عريان ومالى حجرى بيض
راحت بيضة وقعت من منى اتكسرت طلع منها ديك يعوعى فكرت اعمل ايه بالديك قول قعدت احمل عليه بضايع
واشيل عليه تراب لحد ما ضهر ه اتعور .الناس قالوا لى دواه تجيب نواة بلح تحمصها فى الفرن وبعدين تصحنها
وترشها مكان العوارة فى ضهر الديك قول النواية بعد ما حمصتها فى الفرن ابت ما تتصحن رحت حطتها على كدا
على ضهر الديك قامت طلعت نخلة عالية العيال قعدوا يحدفوها بالطوب لحد ما بقت جزيرة فوقها قول اخدت جوز البقر
والمحرات و طلعت حرت الارض وساويتها وقلت ازرعها سمسم جبت زكيبة فيها مية حباية سمسم بعد ما رشيت السمسم
جاء واحد فايت قال لى دا مش اوان السمسم دا اوان البطيخ قعدت الم السمسم طلعوا تسعة وتسعين حباية فضلت ادور
على الحباية الناقصة لحد ما لقيت نصها فى سن المحرات والنص التانى فى ضلف البقرة ربطت الزكيبة ورشيت مكانه
البطيخ وانا فى نص الارض التانى جاء واحد فايت قال يا عم يابتاع البطيخ ادينى بطيخة انا استعجبت اتلفت وراى لقيت
البطيخ الواحدة قد القوقعة كبيرة رحت قاطع وحدة بالعافية شلتها لحد عنده ومن جيب الصديرى طلعت المطوة وشقيت بيها
البطيخة نصين شرحت نص وحطيت السكين فى النص التانى غرزتها فيه بعد ما خلصنا انا والراجل النص باتلفت ما لقتش
السكين كانت هنا كانت هنا لحد ما افتكرت انى غرزتها فى النص التانى قمت قالع الصديرى ونطيت جوا نص البطيخة
الملك قعد يضحك يضحك لحد ما قعد على حيله وقام للراجل العجوز وقال له انا عينتك وزير للثقافة
سبحان الله حقا ما اشبه اليوم بالبارحة *****ابن عروس