زيك عوجيز

زيك عواجيز

*********

انسان والعود مقطوف

من يوم  زرعه 

وحرص يا حريص

شبابيك العمر اللى فاتحها

والضحكة الخايفة

بتحدفها على شارع

كله بيتسند زيك عواجيز

والمشهد كله بيتشكل

وروحك بس اللى

بترقص خلف الكواليس
وطول  عمر  احلامك
تحفرها تطلع كوابيس 

دنيا المولى لوحده مسيرها

عدل ونواميس

طول عمرك تحلب فى الذكرى

ودفاتر الماضى ووجعها

وكل الكراريس

بتخاف من مشيك

متسند زى العواجيز

بتخاف م الموت

والموت عارفك لو كنت

حريص

مش قابلك خد كل معارفك ؟

 وقدامك طفى الفوانيس

مغرور..........

بتخاف لو ميل بيك ضهرك

وتخاف لو غير لون شعرك

وتخاف من سنك

وبظنك تعمل عتريس

مع انى المشهد قدامك

والشارع كله بيسند

زيك عواجيز

وحبايب العمر اللى شايلهم

ذكرى ف براويز

والموت وسطيهم يتمخطر

بيفوت ع اليابس والاخضر

ويلخبط كل التداريس

دنيا وابواب الموت

اللى بتفتح من غير متاريس

افهم على فين بتروح منك

ولكام هاتعيش

وعروسة بتسهر تتحنى

والصبح تودع فى عريس

دى حقيقة .....

ولو عاقل يقدر يفهمها

كان تاب ابليس