زا د وفاض

زاد وفاض فينا الفساد
والبطالة كل يوم بتزيد
وتكتر والكساد
والبلاوى لما تكتر
قالوا عنها انجازات
يعنى مش لازم تفكر
الحكومة تعرف اكتر
ف اللى جى واللى
الفات
واحنا اصلا شعب طيب
يعشق الموت والسكات
واى حد فينا يحكم
يبقى لازم للممات
هما ابطال المعارك
هما ابطال الشاشات
وخلى بالك من عيالك
لو تشوف فيهم حاجات
حتى لو كانت محاولة
هايقولوا لك امن دولة
مش عشان الشعب يسكت
لا -عشان الانجازات
وانت يعنى تعرف اكتر
م اللى حاكم قرن فات
بيقولولك فكر عالى
مش بنحكم شعب حالى
احنا بنجهز ل ات
شعب تانى
شعب يفهم انجازات
يعنى لو تغرق سفينة
وله قطر يخش مينا
وله تسقط طيارات
المسيرة لابد تكمل
لو جميع الشعب مات
بالقانون الفكر ماشى
بالقانون كل الحاجات
حتى لو غيرنا مادة
ولا  قولنا الف مدة
بعد ربع قرن فات
عندنا المجلس موقر
طول حياته ف انعقاد
مش ضرورى لامر طارئ
بس فيه حبة طوارئ
مسكة ف هدوم البلاد
والطوارئ مش عشان
الشعب يسكت
لا عشان النهب زاد
لاجل ذلك خلى بالك
قبل ما تنزل لشارع
شوف ضرورى تكون مذاكر
وانت رايح فيه عساكر
وانت راجع فيه عساكر
مش عشان الشعب يسكت
لا عشان الانجازات
مش ضرورى تكون مفكر
وانت عندك حد قاعد
ليل نهار يفضل يفكر
فى البلاد
واحنا اصلا شعب طيب
شعب ماشى بدون سياسة
او خباثة
حكمة من رب العباد
واللى قاعد فيك يفكر
عنده تحفة ف المالية
قاله كارثة الشعب زاد
يجى ميت مليون واكتر
والمواشى والجماد
يعنى لازم حل تانى
وبصراحة الحمل زاد
قاله شوف الفكرة عندك
شى يكمل الانجازات
قاله لو حبة ضرايب
ع المساكن والزرايب
وخلى دمغة ع اللى عايش
والطوابع للمات
يدفع المعلوم يعدى
والا مش هانقول وفات
وخلى حد يقول تاريخه
ولا يثبت انه مات
وخلى حد يقول بطالة
ولا حد يقول كساد
قالوا يما لما كان فيها
السادات
شعب اعمى شعب ينكر
انجازات
مش كفاية خته شعب
شبه ميت
وانت جيت خليته مات