لفيت كل الحوارى
قريت كل الفنون
جربت حاجات كتيرة
عشان اقدر اكون
فى عالم افتراضى
مؤهل للجنون
لفيت العمركله
لقيت الخط وهمى
ما بين عقل وجنون
اذا كنت انت اللى عاقل
احكيلى ازاى يكون
الوضع كله مايع
والقدس منا ضايع
معديتش حتى فارقة
نكون او لا نكون
بقول لك خط وهمى
ما بين عقل وجنون
ومن فيكم تخيل
لو خبرة فى الجنون
يهدو فى المساجد
نرمم المعابد …
شبابهم على المرابط
شبابنا فى السجون …
وشوف لو انت عاقل
ايه ممكن يكون .
لو مات كلب اسرائيلى
الدنيا تقوم ما تقعد
والمجلس والقانون
وان مات نص العروبة
يقولوا فيه معاهدة
مع ان الكل عارف
لا سلام ولا يحزنون
بقول لك خط وهمى
ما بين عقل وجنون
طب ايه لزمة عقولنا
واحنا النشيد بتعنا
كانوا زمان وكنا
دلوقتى هما فين ؟
مش ده هو الجنون
طب عندك كام قناة
سبعين رقص واغانى
وواحدة للصلاة ؛
وعشرة للحكومة تعلن
منها الغلاء
وعشرة للمهانة ومتنا ع الهواء
وعشرة فى الطراوة
عشرة للمجون
مش ده هو الجنون
والخيبة اللى احنا فيها
لا تقبل الطُعُون
وشوف جيل النهاردة
تقول له الارض ضايعة
يقولك عادى ايزى
ويرطن انجلزى
الارض تروح وتجى
مش ده هو الجنون
حتى البنات معاهم
بيقرو هارى بوتر
وجميع كتب الطبيخ
هويتهم كل موضة
والجهل بالتاريخ
ويسمعوا الاغانى
ويعشقوا الاتارى
والجهل بالبخارى
مش هو ده الجنون
ملخص الحكاية
لفيت كل الحوارى
وقريت كل الفنون
عشان اكون مثالى
نموذج للجنون
فى عالم افتراضى
مش عارف ايه يكون
ليست هناك تعليقات:
إرسال تعليق
اكتب تعليق