اتفرج يا ضمير العالم
نفس القصة يا عم صلاح
نفس الحصة ونفس الدم
مات الورد صغير لسه
واحنا كبرنا فى نفس الهم
من العامرية لقانا لغزة
وام شهيد بتسلم ام
لسه الحصة يا عم صلاح
فى الجغرافية حطين خط
تحت خريطة بلون الدم
والكراريس طارت فى الريح
واحنا حروف عايزين نتلم
اتفرج يا ضمير العالم
ادى مدرستى وادى كراستى
وادى سؤال وجواب بالدم
يومها الدم الطاهر قال
وطنى اهم
قالها بكل لغات العالم
علشان يسمع كل اصم
يومها اتكلم قال
اتحدى جامعات العالم
مهما تخرج مليون عالم
انا من دفعة بحر الدم
انا مدرستى تخرج شهداء
شهادتى اهم
والعالم منكم لما يموت
يشبع ذم
انا دمى عساكر
واقفة بتحرس كل حدود
انا دمى الحافظ فى الشرايين
درس جدود
احنا الشهداء احنا
بنحيا مش بنموت
عايشين بنقولها بعلو الصوت
ايد القاتل مهما تكون
احفاد القرادة وسام صهيون
راح تتلم
واسمع يا ضمير العالم
دم الابرار بيقول للظالم
لو هايسندك كل العالم
اتحداك لو حلمك تم
ليست هناك تعليقات:
إرسال تعليق
اكتب تعليق