الطريق كان لسه قلب

……………………………..

خطوة واحدة

من البداية للنهاية

والطريق كان لسه قلب

كان عليكى لسه خايف

فى انتظار الفجر يطلع

والكلام كان ع الشفايف

واللى مبيتقلش واضح

والقمر فى الصمت شايف

كل مرة يرمى ضيه ع الطريق

يلمح الحلم الغريق

لسه خايف

م الحكاية وع الحكاية

حلم صامت با ختصار

فى الحكاية ميت حكاية

والخطاوى عكس بعض

حلم واقف ع الطريق

بس خايف

خوفى منك او عليكى

زى بعض

كل حلمى كان فى كلمة

كلمة واقفة ع الشفايف

والفرح والحزن وعد

حلم ضاع ف الانتظار

والخطاوى عكس بعض

جنه ……….نار

لما ضاع الحلم منا

كان ما بين وعد وقرار

وافترقنا بنشتكى الاحزان

لسه خايفة ولسه خايف

ف انتظار شمس النهار

كل حلمى كان فى كلمة

كلمة ما تت ع الشفايف

كلمة ماتت بالقرار

……………………….

اهداء الى اعز اتنين عندى

ولكل اتنين

فى انتظار الفجر يطلع