قعدت كتير افكر
اكتب ايه النهاردة
اكتب ايه النهاردة
اكتب ايه النهاردة
لحد النهار ما فات
ورجعت تانى افكر
افكر .. افكر
انا ليه مدمن سكات
ويوم ما حاولت افضفض
واقول من قلبى مرة
لعيون ست البنات
لقيت الكلمة مرة
مالقتش كلمة حرة
معدش معجزات
سالت نفسى مرة
فى حاجات تشبه حاجات
ضحكت بجد مرة
كان يومها صاحبى مات
ومرة فرحت جدا
نزلت دموع كتير
تشبه دموع عياط
سؤال دائما مكرر
اكتب ايه النهاردة
ملاقتش فكرة اصلا
فحكيت كل اللى فات
ليست هناك تعليقات:
إرسال تعليق
اكتب تعليق