فرشة والوان
ورقة وملامح بشر
وهم ابتسامة باى
لون
على خط اسود مستقيم
موه ملامح اى شر
حط ابتسامة باى شكل
فوق شفايفه
وامسح الدمع فى عنيه
انت حر
خفف الالوان هنا
حط شمس ع اليمين
وفى شماله ضل
حتى لو متلخبطين
ايوه كدا
وعشان يبان فيها
السلام
ارسم هنا اغصان زيتون
وحمامة طايرة فى السما
واقفل الاطار بدم
وفى نص نص المنتصف
ارسم عمى
عشان تشوفه اى عين
والصورة تقعد ميت سنه
ناقصة السلام
مع انى شكل الرسم تم
ليست هناك تعليقات:
إرسال تعليق
اكتب تعليق