لحظة صدق

لحظة  صدق
.................
لما تبص فى وش
الناس
حرص ع اللى دموعه
فى عينه
وحرص من  اللى
حريص يضحكلك
دا اللى بيلعب
حلق   حوش
دايما قادر يتمحكلك
واول فرصة تجيله
هياكلك
يفضل وحده الدمع
الصادق
لما تلاقى الدمعة
فى ضحكة  .صدق
ولما تلاقى دمعة
حزن .صدق
وقد ما تحلم  احلم
بس هتلقى  الواقع 
اصدق
دنيا بتعرض زى الشاشة
وياما وشوش مليانة
بشاشة
وتحت العمة متلقاش
شيخ
اصدق لحظة فى عمرك
  لما دمعك يغلب متخبيش
وان خبيت الدمع هيصرخ
عمرك شفت الكدب يعيش؟
واصعب لحظة فى عمرك
لما يطول الكدب مشاعرك
يبقى يا ويلك
ياكل منك ميخليش
خلى ميزان الصدق يوازن
دمعة عين  .او ضحك شفايف
حب فى كفة 
وكره فى كفة
واحد منهم  بس يعيش