كتير كتير نبعد
والسكة جايبة وصال
خايف تكون اخرتى
وكل اللى عندى اتقال
والحرف يبقى بعيد
والحالة فوق الحال
وخمس حروف القلب
ميكملوش موال
وانا والشعر نتخاصم
ونتصالح
ويفضل ما بينا سؤال
مين يصالح مين ؟
ولمين هنشكى الحال
يا حروف يا هربانة
فى الغربة والترحال
الصبر طعمه غريب
وكام كلمة جوا القلب
و صمت وانين يتقال
وغرقان فى كم الاسئلة
واغرب ما فيها سؤال
مين يصالح مين ؟
ولحد امتى بعيد
يا مغرب المواعيد
وسايب الحروف مرسال
بعد الفراق يا غريب
اكيد هنتقابل
ونروق ويهدا الحال
وانا والشعر نتصالح
ليست هناك تعليقات:
إرسال تعليق
اكتب تعليق