ملعون ابو القصيدة

مسفوح دم الكلام
والشاعر غصب عنه
يزرع بيوت ينام
وتولع ميت حريقة
اهو رغى والسلام
ويخش فى كل ضيقة
ينفع سبع وجبان
والشاعر غصب عنه
بيحس بكل غيمة
ويشوفها قبل منك
وساعات يحكى اللى كان
وساعات يتحدى خوفه
ويقوم يلعن نظام
وساعات يمسح كسوفه
ويقوم يمدح نظام
يسترخص القوافى
 مع انى حاجات بتغلى
ولا ارخص م الكلام
ملعون ابو القصيدة
مسفوح دم الكلام
والشاعر لما هلس
قالك بنطين لحام
والشاعر لما فلس
قام  يمدح  نظام
يمشى جنب حيطة
بداعى  الاحترام
ملعون ابو القصيدة
ملعون بحر القوافى
اذا كان هيجيب كلام
ورجيم الشعر عنده
حفاظا ع القوام
من خوفه م المحاكم
يبجل كل حاكم
يضرب تعظيم سلام
مع انه غصب عنه
فى مدحه او فى ذمه
ضارب تحت الحزام
#مصطفى-الميرى