لما كرهنا قالوا فاجر فظ لعين
ولما الحب بدا يعرفنا قالوا خاين
عرف ودين
ولما احتارت معكم فعلا خدت
مسافة ما بين لاتنين
فضل الحب يصارع الكره
وانا مش عارف. مين فى الاخر
يغلب مين
انا قلت: الحب طبيعى و فطرى
ماشى فى دم البنادمين
لما سألت الناس العارفة
يعنى
بحكم الخبرة سنين قالوا
يا راجل
لما هابيل وقابيل اختلفوا
كان العالم كله اتنين
هى خريطة حب وضاعت
لما نحط خريطة جديدة
عنتر ليلى وقيس لبثينة
تقعد عبلة تاخد مين ؟
تاخد روميو بس هايبقى معاك
جولييت………………..
قلت بسيطة هانجيب حد من
الحواديت
يبقى كثير هيطنش عزة
وعزة تشوف ابطال السيما
علشان نبدا نفس العبة
ونكتب قصة حب جديدة
افشل قصص الحب قديمة
وافضل قصص الحب قسيمة
لما تكون قدام الكون
ولسه مازالت عندى الحيرة
هوالحب الفطرى فينا ؟
ولا الكره ساعات بيكون
حد يجيب لى جواب مضمون
#مصطفى -الميرى
ليست هناك تعليقات:
إرسال تعليق
اكتب تعليق