عمك احمد
................
عمك احمد مصرى زيك
مصرى فاهم فى السياسة
بس زيك برضه يائس
يبقى حاجة فى اى حاجه
واحلى حاجة فى عمك احمد
انه كان خياله واسع
ناس كتير يقولوا لاسع
وناس كمان يقولوا طيب
بس له نوبات خباثة
وكل نوبة كان بيحلم بالرئاسة
وانه يصحى فى يوم وليلة
يصبح الراس الكبيرة
وخالى بالك عنده واد لسانه
فالات كان يناقش كان يعاند
قاله يا با لو ده ينفع فين دليلك
عمك احمد فز قاله مش تتادب انت
كل ساعة فين دليلك فين دليك
كان يقولها حد غيرك
ماشى يا با لو ده ينفع قولى
تاخد مين وزيرك
قاله امك
عندها والواد يصرخ يا نهار اسود
امى تنفع .وانت ترضى انى
تعرف حد غيرك
يابا فكر انت عارف وانت رايس
ولا فاهم ايه مصيرك
دا الرياسة عايزة سايس
والسياسة عايز رايس
وانت يعنى الغيط كبيرك
يابا فكر انت عارف
فيه سياسة داخلية
وفيه سياسة خارجية
وفيه سياسة مختفى
انت عارف اللى هى
بتحدد مصيرك
ماشى يا ابا لو دا ينفع
هات دليلك
قاله شوف السياسة الداخلية
عندى روعة واسال امك
وبامارة خمسة غيرك
وانت عارف كل داخلى
بادفع المصروف واعينك
واللى قبلك اخ عاطل
واللى بعدك برضه عاطل
حد منكم جاب لى حاجه
ولا حتى قالى فينك
والسياسة الخارجية سهلة جدا
الجماعة الشرنية فى معاهدة
والجماعة الفارسية فى مناهضة
والسياسة الامريكية عايزة قعدة
يبقى ينفع غصب عنك
يبقى فين هى القضية
الحكاية هى هى .
تقعد انت تقولى ينفع مش هينفع
طب يا فالح ايه اللى يمنع
انت برضه هات دليلك
الدستور بيقولى ينفع
والدكتور بيقولى ينفع
والمرارة ميه ميه
قاله يابا الله يعينك
دى البلد دىحالها مايل
وانت يعنى برضه سنك
قال يا ساتر اوف منك
برضه هاحكم غصب عنك
ولا هخد اذن منك
انا راجل حر جدا
ولا تكره ان ابوك يبقى
ماسك جمهوريه
شكله دا مش فكرك انت
فى دوافع خارجية
انت تكره ارشح البيت للوزارة
يعنى اخوك الاولانى للتجارة
وكل اخ يروح وزارة
وخلى امك للشؤن الداخلية
والبصارة
كل ده علشان بلدنا مش خسارة
وانا هاحكم يعنى هاحكم
قاله يابا هى ناقصة الطينة
بلة ….انت تقدر حتى تحكم
للزمالك والمحلة
قال مش عايز اسمع تانى صوتك
من النهاردة فيه طوارئ
لو هتنطق يبقى موتك
عندها والواد يصرخ انت منهم
يبقى كتر الف خيرك
لوتسيبنى لحد غيرك
دا اللى ماسك خيره واجد
يعنى مش عايزين لخيرك
يا راجل اعقل شوفك بهايمك
ولا طيرك
هو صحبك خله حاجه
تمسك انت ولا غيرك
عمك احمد كان ناويها
يضرب الواد ابنه فيها
بس كان من فضل ربك
عمك احمد فز صاحى
اصله كان نايم بيحلم
واصله مطغتاش كويس
كان بيحلم حلم بايخ
قال بيحلم يبقى رايس
خير اللهم اجعله خير
وهو لسه فى السرير
طل شاف الواد فى وشه
قال بالذمة ده وش وزير
أستاذ من يومك يا أستاذ :)
ردحذف