جدول الحساب غلط !
ضرب .. طرح .. جمعممكن بس فى الناتج سخيف
هو جدول الحساب غلط ..؟
ولا ضرب ابوك عنيف
مش برضه ارض ناقصة
قمح
. .يطلع الناتج مافيش
هى حسبة سيبنا منها
مد إيدك يا ابنى
وارمى
حبة القمح اللى
منها كام رغيف
لو سحابة سدة عينك
اصحى شوفها جاية كيف
يا ابنى وديتك مدارس مش
عشان تلبس نضيف
مش عشان تلعب بديلك
تعمل انك ابن كيف..
والخواجة يعبى كرشك
والتاريخ ينزل ينزل نزيف
شفت جدك اوعى تنسى
كان فى نصه حبل ليف
بس كان عاقل وفاهم
رغم انه كان نحيف
ياكل اللقمة ام دوقة
بس كان فى الحق سيف
كان يخاف من
اكل برا اللى لانشن
واللى بيف
وبلقمة المش بتاعتنا كان
يسلطن اصل عارفه مش كيف
يا ابنى اسمع لو ها تاخد
من كلامى……
اوع تملا البطن بيف.
لو ما فيش فى الدنيا غيره
يبقى احسن نام خفيف
اصلى وديتك مدارس
مش عشان تلبس نضيف
بس حسبة دوختنى !!
حبة القمح النهاردة
يبقى منها كام رغيف ؟
#مصطفى الميرى
ليست هناك تعليقات:
إرسال تعليق
اكتب تعليق