قبل الثورة
شكل الفلاح
اللى معفر دقنه
من اول ما يفتح عنيــه
ولأخر ما يضمه المــوت
ومسلم للغرب اللى يهينه
كان يزرع .. يحصـــد
منهوب القـــــــوت
والأرض اللى زاقيهــــا
بعرقه
والعود الطالـــع بالموت
كان يزرع بادياه السمـــرة
يستنى وعــــــــود
كــان يشقى ما يلــــقى
غير قطــــــع الرزق
وجلــــــــد السوط
كــــان لسه الســــد
ما ســـدش قـــــوت
كـــــــان لسه الخوف
بانيين به بيـــــــوت
وشكل الفــــــلاح اللى
معفـــــــر دقنه
أترجم على انـــــه
مذله وخوف وسكــوت
اترايها منــــــاوره
والشعب اللى اتعلم يحكم
ها يقوم بالثـــــوره
واهى قامت
على قد ما صبرت مصر
وصامت
فطرت .. فطرت حريه
مصر اللى تاريخها بيدى
ادتها هديه
وفى صـدر بيان الثوره
النـــــاس سواسيه
ولا سِيد ولا سَيد
ولا عبــــد ماطيه
ولا بيه ولا باشــــا
ولا شله غبيـــــه
والفلاح اللى معفر دقنه
بقى ماضى وذكـــرى
بقى صــــوره منسية
واتبدل به الحال من حال
بقى هو الثورة وهو
الشعب .وهو جمال
واتعــلم يتخطى الصعب
اتعـــلم شيل الأحمال
والخـطوه بتعته يخطيها
اميال واميال
من سد. لمصنع
لمدارس. لقنـــــال
علشان اولدنا تعديهــــا
وترجع للذكــرى ماضيها
والفلاح اللى معفر دقنــه
من يومه ليومنــا بيعلنها
هتعيش ياجمــــــال
ومين يكتب فى تاريخ الثوره
غير واحد مطحون بالأجرة
ورجع له العرق المنهوب
شهدت للثورة
ستى اللى لا تكتب ولا تقرا
ستى اللى حياتهـــــــا
الغيط والبيت والبقـــــره
طلعت تبكيه على فين
يا جمال
هتسيب بكرة
على فين يا جمال
يا زعيم يا قنال
عدينا زمان الخوف
والسخـرة .طيب يا جمال
جا اليوم اللى نشيلك فيــــه
وانت الشيال وصبور حمــال
والكتف اللى اتمنى يشيل
اهو شال
مع انى النعش مفهش جمــال
غير بس الناس بترد الديـــن
وان سبنا الموت هنروح على فين
طيب يا جمال دا الموت للزين
ميت رحمه ونــــــور
وفيت بالدين
هتعيش يا جمال دا الموت
للى ملوش افعـــــال
وتعيش الثوره ويعيش الشعب
يشقى ويلقى زيك ابطال
مصطفى الميرى
ليست هناك تعليقات:
إرسال تعليق
اكتب تعليق