شبابيك بتفتح ع الجروح
وبترمى حلمك للبعيد
تعيش بتحلم بالخلود
وتموت متبت فى الحياه
الف زهرة تندهك
والف دمعك تسمعك
وعنيك بتحدف للزهور
الف ضحكة والف اه
وانت واقف ع الطريق
والخطاوى على المصير
حتى لو منتاش بصير
ضحكتك على دمعتك
تجمع الموت والحياه
وانت مش قادر تحدد
هو حزنك قبل فرحك
ولا فرحك قبل جرحك
هو دا لغز الحياه
شبابيك بتفتح ع الجروح
والضحكة ساكنة فى كل روح
حتى لو جواك اهات
وكل اهه بالف اه
ولسه باقى الحلم فيك
وانتى باقى ع السنين
وانت اصلا لما تكبر
تصغر الدنيا فى عنيك
وانت واقف بس شاهد
ع اللى حاصل فى المشاهد
مرة ضحكة ومرة اه
والسؤال نفس السؤال
هو حزنك قبل فرحك
ولا فرحك قبل جرحك
هو دا لغز الحياه
بس يمكن فرق واضح
لو تموت فى الياس عاجز
تبقى جزء من الحياه
او يموت الياس فيك
تكسب الموت والحياه
ليست هناك تعليقات:
إرسال تعليق
اكتب تعليق