لا مش بشر
عايزين تقولوا دول بشر
الف لا
اللى يروع امننا
شيطان ولابس توب بشر
من قال امانة ربنا
فى لحظة واحدة تنفجر
ومهما جبتوا من حجج
بدون سبب او ميت سبب
الدين مكنش فى يوم خطر
مين اللى قال الدين عدد
ولا الرصاص هو المدد
او دين بيامر بالهدد
ويموت حوار .اه يابشر
الدين ما قالش فى يوم كده
دينا اسمى واجمل من كده
لو حد قالك غير كده
يبقى اكيد انسان غبى
مقراش رسالة ميت نبى
ولا شاف عقاب المعتدى
مش قدوته اعظم نبى
فى كل قلب ساب اثر
رحمة ومودة للبشر
كل البشر
الله خلقنا وقال بشر
كونوا بشر
عيشوا بشر
موتوا بشر
دا الفرق بينكم
وبين الحجر
مسحة ايمان
وقلب خاضع للادان
الله واكبر يا بشر
ع القلب تنزل تغسله
متسبش للاحقاد أثر
أصل الايمان كل الايمان
انك تفيد زى المطر
وتمد ايدك بالعمار
مش تاذى حد وتنتحر
يا معتدى عايز تقول انك
بشر..
افرح خلاص انك
بقيت اشلاء بطل
وارفع ايديك بالانتصار
من غير ما تسال
مين رماك
على قلب ام هينفطر
لو لملموا منك حتت
يمكن تقوم تحضن ضناك
لو لسه فيك احساس بشر
او خد بتارك من عماك
اللى بضعفك انتصر
والمولى اعلم بالعباد
فى ناس بتعبد ع الجبل
وناس بتعبد فى السحر
وناس بتعبد بالعمل
والمولى عالم كل سر
وناس بتعرف ربنا
وتبقى ضل فى كل حر
لو حد قالك غير كده
يبقى اساس لمشكلة
مش فى الادان
ولا في الجرس
المشكلة فى شلة بشر
و فى اللسان اللى اتخرس
من امتى لما تقول يارب
تحتاج كمان وياك حرس
والمشكلة فى شلة بشر
من هنا او من هنا
مدين خطوط حب وغرام
بينهم وبين القنبلة
نفس الخطوط لكن فرار
بينهم وبين السنبلة
والكون دا خلقت ربنا
الكون عمار
بقلوب بتعرف ربنا
مش بالرصاصة
ولا بالدمار
ولا بالدمار
ياااااااااااه ع البشر
الارض توهب لك فى خير
والسما بتديك مطر .
وايديك بتزرع كل شر
يااااااااااااااااااه عالبشر
قلوبكوا ليه صبحت حجر
الدين سماحة يا بشر
الدين مكنش فى يوم خطر
بس الخطر كل الخطر
خفافيش ولابسة توب بشر
……………………………………….
مصطفى الميرى
ليست هناك تعليقات:
إرسال تعليق
اكتب تعليق