وخلعناه احنا خلعناه
من يوم ما عبر وقرفنا معاه
وعشان كدا احنا خلعناه
من اول كلمه سمعناه
بس ياريت ما مشينا وراه
لا عمره فهمنا ولا فهمناه
وعشان كدا احنا خلعناه
بعد ما كنا إستئمناه
خرب البيت وقرفنا معاه
مش تكليف دا كان تخريف
وعشان كدا احنا خلعناه اه
ضيع حلم الجيل والاجيال
الجاية وراه
وعشان كدا احنا خلعناه
ولم الشلة القذرة وراه
عز وفتحى وكل الشلة
اللى مسنداه
وعشان كدا احنا خلعناه
من غير لجنه ولأ و اه
احنا خلعناه
رأينا حر واعلناه
قلنا كفاية الذلة معاه
وقلنا خلاص احنا خلعناه
حاكم واطى وحزبه مطاطى
والدنيا كلها عارفاه
مش تكليف ده تخريف
وكان فخفخه و ملك وجاه
ده ابن بلدنا وهوه قائدنا
وبدانا المشوار وياه
واحنا وراه لمشاااااااااء الله
وهنخرب بيته ان شاء الله
حتى ان كان هيدينى و يرقينى
حد الله بينا وبينه
ولا مصلحه بينه وبينى
الا بلدنا وحب بلدنا وبقلها
ورزقى على الله
علشان كده احنا خلعناه
واحنا وراه لمشاء الله
لما يرجع كل فلوسنا
ويلم الخونه اللى وراه
وعشان كدا احنا خلعناه
بعد سلامنا ورفع علمنا
نص العالم كان مخاصمنا
بعد ما جه بالظلم معاه
حتى الاخوه أهل النخوه
تعبوا وشافه الويل وياه
علشان كده احنا خلعناه
و إحنا وراه لما شاْ الله
وكل كلاب نبحت وياه
العادلى وصفوت واللى جناه
وعشان كدا احنا خلعناه
قولنا وقالوا له وعياله
مش سايب حد فى جرناله
واما يحاسب حد معارض
عمره ما ساب حد وما اذاه
علشان كده احنا خلعناه
اخترناه معرفشى ازاى
احنا اخترناه
اللى جابوه منهم لله
اول مره يا مصر يا حره
نقفل باب الشر ورااااااه
بعد ما مرر فينا ودمر
يبدا عهد سلام وحياه
علشان كده احنا خلعناه
احنا وراه لما شاء الله
وهنبعت كل كلاب وراه
ظالم وبيحكمها بكل غباء
يفتح جيبه لكل حبايبه
قاعدين على المصطبه وياه
خلى بلدنا لسيده وسته
وخالوه وخالته وحتى حماه
علشان كده احنا خلعناااه
اخترناه معرفشى ازاىاحنا اخترناه
وعشنا معاه واستحملناه
كان بصراحه وكل وقاحة
كل مصايبه تكون بالراحه
عشان الشعب يعيش فى غباه
وبيحكلنا عن مشاكلنا ويقلنا
على البير وغطاااااااااه
وعشان كده احنا خلعناااااه
كان عايز مصر خرابة
وكل الشعب يعيش بعماه
ونمشى وراه لما شاء الله
وعشان كدا احنا خلعنااه
كنا فى زنقه وعوزه وخنقه
وديونا تكتيفه وشنقه
رسم الخطه الف محطه خد
نصها والباقى وراه
وعشان كده احنا خلعناه
واحنا واره لما شاء الله
كانت غلطة إخترناه إخترناه
بدأ السكه وفكها فكه
باقى علينا شويه فكه
والشعب يبيع اللى وراه
والمستقبل واحنا معاه
علشان كده احنا خلعناه
إخترناه إخترناه
معرفشى ازاى احنا اخترناه
عاش يخدعنا ويطمعنا
بكلام إنشاء ملهوش معنى
ووبينهبنا باكل بجهودنا
وطايح فينا جمال وعلاء
ويفهمنا دول اولادنا
هما الهنا والغنا والجاه
وعشان كده احنا خلعناه
ومش عايزينه ان شاء الله
روحكم سمحه ادب ومصالحه
صافى القلب يا كفر مصيلحه
جبتوه ليه منكم لله
نازل نهب فى خلق الله
علشان كده احنا خلعناه
فقنا وشاف الشعب هناه
وعشان كدا احنا اخترناه
وكسرنا ميت قلة وراه
………………………………………….
كنت اشعر بالذلة والمهانة عندما اسمع
هذه الاغنية من الفنان محمد ثروت
ولهذا فكرت فى سماع هذه الاغنية
بتوزيع جديد يمشى مع المرحلة فكانت هذه الاغنية .
مصطفى الميرى
هذه القصيدة ملكية فكرية وخاصة بى وقد اكتشفت اكتر من عشرين موقع
على النت ينشر هذه القصيدة دون الاشارة الى صاحب القصيدة الحقيقى
واحذر كل من قام بهذا باننى سوف اخذ الاجراء القانونى ضده
ليست هناك تعليقات:
إرسال تعليق
اكتب تعليق