كلمتين
..........................
كلمتين من خوفى يمكن
تسمعينى
ارسمى فى كفك نهار
وبطلى ضحكك فى ضعفى
ردى موجة الانكسار
صدقينى كل ضحكة ياس
عار
وكل نظرة من عيونك رافضة
فكرة الاختصار
والقلم رافض مشاعرى
لما اقوله قول بهية
يقول لى لا قول صبيا
كنت اقوله يا صديقى
اى اسم تبقى هى
وهى اقوى م الحصار
والمحير فى الصبيا
عيون عجوزة
تكشف اليل والنهار
وتنتصر وقت القلق
وتلبس الايام حلق
وتعمل التاريخ حجاب
وتقولى بكرة الشمس تطلع
ارمى خوفك م الضباب
لسه حلمى بيتولد
لو حتى الف حلم خاب
القلق ساعه المخاض
مش يغير م الميلاد
والحقيقة لو ف ضيقة
بكرة تطلع للبراح
الف ظالم كان هنا
كله راح
والكف ماسك فى النهار
ليست هناك تعليقات:
إرسال تعليق
اكتب تعليق