دى محاكمة ايه والنبى
مقتول وقاتل صح
ولا كلام تهييس
العقل فين يا غبى
ولحد امتى خسيس
الندل عمره طويل
تحيا كمان وتعيش
والديب وطبع الديب
بيعشق التناتيش
تسمعوله تستغرب
مسطول ضاربها حشيش
والجانى يبقى ملاك
والتهمة دى تهويش
من كام شهر ظالم
دلوقتى زيه مفيش
والله مكشوفة
تعظيم سلام يا شويش
يشفى الكلاب ويضرك
ياخد الكلاب وتعيش
انا نفسى مش عارف
بتحب ليه الجواسيس
اهلك وناسك هما
ياريت تروح متجيش
اشمعنى للخونة
تركع وتاكل عيش
تدى الخسيس خبرتك
والشعب له تلطيش
بس انت لو تخجل
ده مش حرامى غسيل
ممسوك بقرش حشيش
وفين الحق يا ديب
لما الحرامى ملاك
بالكوسة والتعريص
هو انت دم مفيش
لما الشرف يتباع
وتوطى ع البقشيش
الديب يعادى الكلب
ابدا صحيح متجيش
دمك خفيف معجزة
فرفش وقول فرفيش
الكدب دا موهبة
مطلوب لاكل العيش
يا ديب فى غيط الكدب
اشبع بقى تناتيش
طب يبقى فين حقنا
لما انت ترضى التيس
يا عينى ع المهنة
العدل ماشى تمام
لا الشك بيخشنا
ولا حد قال تعريص
محكوم عليه والنبى
بعقوبة .شرم عريش
وايه يعنى تمانين سنة
من نفسه يبقى عريس
الديب يقول الحق
والشعب ندل خسيس
التهمة موجودة
بس الادلة مفيش
وايه يعنى ناس ماتوا
ضرورى كله يعيش
عارفين قتلهم مين
طبعا اكيد خفافيش
لابسين هدوم زيينا
ووسطنا بتعيش
ازاى رئيس قاتل
ابدا يا ناس متجيش
ودم اللى راحوا بلاش
عربون لكلب خسيس
واللى دهسنا هناك
سيارة نقل قريش
وانا اكيد مقتنع
فياريت بلاش تشويش
احلف لكم عادل
والثورة دى تهييس
كل الحكاية يدوب
ازمة ونقص حشيش
جمال وعلاء سكرة
والشعب ده حرافيش
ورئيس ملاك طاهر
ولا حتى ذنب مفيش
يدخل بطيارة
ويرجع يطير بالريش
محبوس نزيه اوباها
سرير ونضارة
وللثوار كلابيش
العن واقول امك
طبعا حرام متجيش
بلا ثورة بلا نيلة
هى القهاوى اشتكت
والقاعدة ع الكورنيش
وعمورة وتمورة
والشعر يبقى كنيش
والديب يقول حكمته
ويقول ده جنسه رئيس
فكرينه ايه زيكو
بصمة وادلة وفيش
دا شعب ايه والنبى
اهطل وعقل مفيش
ناقص يقول تفتيش
دا فى شلة الرايقين
يقتلوك بشويش
وايدين بتعرف فين
متسيبش فيك خرابيش
والشعب كله يروح
بس الزعيم ده يعيش
تسلم ايديك يا زعيم
وقفانا للتلطيش
هو انت من جنسنا
وفى حسبة التهميش
ولا انت ايه زيينا
فى نفس المكان بتعيش
منهوك فى سبوبة
حتى الفطار مالقيش
ومزنوق فى انبوبة
وعارف طابور العيش
حلال عليك دمنا
يا زعيم وبيحبنا
انشالله قرن تعيش
فرعون صحيح كان غبى
بس اللى كان فرعنه
الكدب والتوشيش
والديب فصيلة كلب
نفس الجينات توريث
والفرق بس يدوب
كانوا حبتين تعريص
انا قلت ايه على ايه
ببببببببببببببببببببس
كل اللى قلتوه انسوه
دول حبتين تهييس
كل الحكاية يا خلق
مفعول سيجارة حشيش
انا فقت تانى خلاااااااااااص
تعظيم سلااااااااام للجيش
ملعون ابوك يا حشيييييييييش
رائع كالعادة يا أستاذنا :)
ردحذفاشكرك يا استاذ رشدى على تشجيعك الداعم واسعد بك وبمرورك البهى
ردحذف