…………
امبارح فى المنام
لقيتنى ع الحصان
فى السكة لوحدى ماشى
قابلنى صلاح الدين
سالنى الساعة كام
قلت له عملنا ثورة
وقعنا كام نظام
قالى ازاى اصدق
شعوب بتاع كلام
بصراحة كنت خايف
احكى له ع اللى كان
وازاى عملنا ثورة
خدوها اولاد عمام
ادونا منها طبعا
السحل فى الشوارع
والضرب بالحزام
بصراحة فضلت اكدب
واقول ماشين تمام
واهداف الثورة فازت
ولا فيش حتى اعتصام
سيبته ورحت ماشى
قابلت هناك عرابى
اكلته بالكلام
قلت له الساعة كام
قالى عملنا ثورة
طهرنا كل حته
مش كان حتت مدان
ولا كام واحد حرامى
وتقلولوا دا النظام
بصراحة الكدب خيبة
محصلش دا الكلام
وعشان الثورة لسه
وانا حتى نسيت انام
ليست هناك تعليقات:
إرسال تعليق
اكتب تعليق