حال البلد
ناعسة اللى فى انتظار
الشفا
ناعسة اللى قاسمة الصبر
مع ايوب
ولسه عايشة الحلم
تجدل حبال الصبر
بالوعد والمكتوب
ناعسة اللى عيشة الزمان
ناعسة اللى دافعة التمن
وهايمة بطول العرض
وهى اللى واقفة شمعة
امل فى اخر الدرب
ورافضة تبيع العرض
نعسة اللى سارقها الزمان
نص ابتسامة يدوب
تفتح بيبان الامل
ترسم طريق ايوب
الحلم خد خطوته
اخر الطريق هيبان
العلة مش فى البدن
والصبر يا ايوب
طعم انتظارك مر
محبوس فى صبرك حر
تقدر تداوى البدن
مهما يكون مجروح
تقدر تعادى الياس
وتعيش سليم الروح
والصبر يا ايوب
وناعسة شقيقة الصبر
والمعجزات مش دوا
المعجزات فى القلب
المعجزات فى العين
تدى الخطاوى دروب
المعجزات فى ايمان
بالوعد والمكتوب
الصبر مش كلمة
الصبر بالمعنى
ناعسة مع ايوب
ليست هناك تعليقات:
إرسال تعليق
اكتب تعليق