ع الطريق
.......................
ع الطريق قابلت ثورة
لشعب حى
ولما غلطت وقلت انا
خايف
قالت بكرة العاقل جى
قلة شوفك تولد خوفك
وبتاكل من لحم الحى
كل حقيقة تبقى بعيدة
زى الموت بعده قريب
من غير طعم ومن غير
حس
لكن جى
اصل العتمة بنت
مكانها
ولما بترمى عنيك
لبعيد تلمح ضى
وخوفك لما العتمة
تطول
تاخد سكة واخد
سكة
وايدك متوصلش
ايداى
وبعد الحيرة سالت
كتير
حد يقولى زى فرنسا
وحد يقولى زى رومانيا
او اوكرانيا
وهى اساسا مالهاش
زى
تدخل محنه وتطلع
محنه
وتطلع دايما حلمها
حى
عمر العتمة ما سرقت
عينها
وتفضل تدى دروس للعالم
وقاعدة توزع حلم وضى
ليست هناك تعليقات:
إرسال تعليق
اكتب تعليق