متخفيش 13
وأنت اللى قايل متخفيش
لو اسمى بالدم اتكتب
ويا الكتيبه ف قلب جيش
فرصة العمر اللى جتنى
لجل ما فرد طولى يا ما
ما نحنيش
السنين الصعب عدت
والعيون السود دى صرت
وكنتِ زى متنميش
كان نهارك الدم يغلى
وليل سواده ما ينتهيش
وكنتى خايفة البذر يكفر
نبدروه احنا بايدينا
ولما نحصد ملاقيش
غصب عنى بكيت يا ولدى
كنت خايفة الظن يخلف
او صاروخ حلمك يطيش
كنت خايفة ضهر امك
لما يسند ما يلقيش
غصب عنى ما حد قالى
اللى شلتوه فى بطنى جيش
دمعتين امك بيغلوا
بس ساعة النصر يغلوا
واللى مات وياك يعيش
دمعتينى حيرونى
وكلمتينك طيببونى
اوعى يا ما تاخدك
الاحزان بعيد
لما يجوا قبل اسمى
يكتبوا كلمة شهيد
صدقينى ما تخفيش
لجل ما وفيلك بدينى
عشت عمرى منحنيش
الف حاجة تهون يا امى
ومنها دمى
لجل ما الاوطان تعيش
لجل ما تخضر سنينك
والسنابل تبقى عيش
ولجل ما احلامك تخضر
تبقى جيش
والحفيد ابن الشهيد
جاى رامى الطلق حامى
لاجل ما الاحرار تعيش
لاجل ما الاوطان تعيش
ليست هناك تعليقات:
إرسال تعليق
اكتب تعليق