باحلم ودايما سارح
فى الدنيا والملكوت
باحلم ارجع لامبارح
واخد اصحابى فى حضنى
احضنهم رغم المووت
ونرجع نضحك م الاول
مع ان الضحكة امبارح
ما شالتش الخوف من بكرة
ولا قفلت باب الموت
اهو حلم بشوفه ليلاتى
نفسى ارجع .او يرجع تانى
امبارح
او يرجع لى اصحابى
مش فاضل منهم ياما
وعارف حلمى غريب
انا بس بصبر نفسى
اكيد هاشوفهم تانى
الموت كان ساب لى
علامة .
علشان اعرف سكتهم
وخطاوى العمر تفوت
على خطوة كل اصحابى
فى طريق فاتح للموت
اهو حلم بشوفه ليلاتى
وام اصحى افضل سارح
ازاى ارحع لامبارح !
او مين يرجع م الموت
احسن خلينى فى بكرة
اكيد هاشوفهم تانى
لو سبت الحلم وسابنى
اكيد فى السكة الموت
ليست هناك تعليقات:
إرسال تعليق
اكتب تعليق