كنت بحلم انى ارجع طفل تانى
برغم فكرى مش عيالى
بس كان حالى اشتكالى
قال :لى سيب الحزن لحظة
قلت له طيب ملاحظة
تيجى نرجع نحبى تانى
بس هات نفس الامانى
يلا نرجع كعب داير
نخترق نفس الدواير
للزمان ابو قلب طيب
وهات لى نفس الضحكة
تانى
وعايز ارجع طفل تانى
قالى :احلم بس سيبك
مش هاتخد غير نصيبك
تمشى للمكتوب برجلك
وان ما روحتش راح يجيلك
قلت له طيب يا حالى
هى فعلا مكتوبة لى
مش ضرورى ارجع صغير
اصلى كان داير فى بالى
لما كنت عييت فى مرة
وكانت امى تقول لخالى
عنده حصبة امريكانى
قلت توبة مش هافكر
حتى تانى
قلت ارضى بالمكتوب
يا صاحبى وانت تبقى
حد تانى
قلت: ماشى يبقى نحلم
حلم تانى
حلم لى ولعيالى
واللى راح خليه لحاله
واقعد انا وايا حالى
ليست هناك تعليقات:
إرسال تعليق
اكتب تعليق