كنت نايم كنت باحلم
واللى شفته شئ مهين
شكله شى فعلا محير
شكله كان تعبان تخين
قلت اسأل فيها عالم
اى شيخ ممكن يعين
قال لى دور بين صحابك
حد فيهم مش امين
كان بياخد من رصيك
وانت نايم مستكين
رحت صارخ قلت مين
قالى فكروانت قاعد
بين صحابك كان بيرمى
كلمة تجرح او تهين
قلت فاض الكيل يا عمى
من كلام تايه مغمى
وقولى حرف او حتى سمى
اى شى واضح يعين
قالى صاحبك انت عارفه
كان معاك طول السنين
قلت طيب يبقى مين
قالى اول حد دابحك
وانت فاكر انه رمحك
ولا حتى سيف معين
قلت برضه يبقى مين
قالى صاحبك اللى بيعيب
السنين …………….
وكان بيخدك الف سكة
لكان وكان …….
تضحكوا فى الغفلة مرة
وتفضحوا السر .الدفين
قلت فاض الكيل يا عم
جاى تحير مش تعين
الى طيب حط لامه
قبل سينه جنب الفه
قبل نونه…..
يطلع المجموع لسان
رحت صارخ.. قالى ايوة
انت عايش وسط ناسك
وانت بالع بهلوان ……
اصتلاحا هوده يبقى السان
………………………….
مصطفى الميرى
ليست هناك تعليقات:
إرسال تعليق
اكتب تعليق